کراچی :شاہراہِ نور جہاں کی حدود سے 17 سالہ لڑکے کے اغواء کا ڈراپ سین؛مغوی لڑکے کا خود اپنے اغواء کا ڈرامہ

کرائم رپورٹر (نمائندہ خصوصی) شاہراہِ نور جہاں کی حدود بلاک T کے رہائشی طارق حسین شاہ نے اپنے بھانجے محمد حسن ولد نعیم سندھو جو لاہور سے چھٹیاں گذارنے آیا ہوا تھا کے اغواء ہونے کا مقدمہ درج کروایا تھا۔شاہراہِ نور جہاں پولیس نے مقدمہ نمبر 559/23 دفعہ 365 ت پ درج کرکے انٹیروگیشن شروع کیا۔مدعی مقدمہ طارق حسین شاہ نے مزید بتایا کہ لڑکے حسن کے نمبر سے کال موصول ہوئی ہے جس نے بتایا ہے کہ اسے 4 افراد نے اغواء کرلیا ہے اور 50 ہزار تاوان کا مطالبہ کررہے ہیں پولیس نے CPLC سینٹرل کے ٹیکنیکل تعاون سے 17 سالہ لڑکے کے بارے میں اہم لیڈ حاصل کی اور پتہ چلایا کہ لڑکا خود اپنے اغواء کا ڈرامہ کررہا ہے ۔پولیس نے ٹیکنیکل اور دیگر ذرائع کو استعمال کرتے ہوئے لڑکے کو گرفتار کرلیا جس نے اغواء کا ڈرامہ کرنے کا اعتراف کرلیا۔لڑکے حسن نے انکشاف کیا کہ اس نے اپنے ماموں سے پیسے لینے کے لئے اغواء کا ڈرامہ کیا تھا اور لاہور واپس جارہا تھا مگر ٹکٹ نہ ہونے کی وجہ سے حیدرآباد میں اتار دیا گیا تھا پولیس نے 17 سالہ لڑکے حسن کو تحویل میں لے لیا ہے جسکے خلاف ضابطے کی کارروائی عمل میں لائی جائے گی