اسلام آباد(نیٹ نیوز) چیرمین نیب نذیر احمد بٹ نے کہاہے کہ نیب کی جانب سے کرپشن کے خلاف کاروائیاں بلا امتیاز جاری رہیں گی ،نیب میں کام کرنے والے افسران پر ہمیں فخر ہے اور انہیں خراج تحسین پیش کرتے ہیں ان خیالات کا اظہار انہوںنے نیب کے سابق پراسیکیوٹرجنرل جسٹس (ر) سید اصغر حیدر اورسابق ڈپٹی چیرمین نیب ظاہر شاہ کے اعزا ز میں منعقدہ الوادعی تقریب سے خطاب کے دوران کیا چیرمین نیب نے کہاکہ ملک سے کرپشن کے خاتمے کےلئے نیب کی کوششیں جاری ہیں اور اس حوالے سے افسران کی کارکردگی قابل تعریف ہے انہوںنے سابق پراسیکیوٹر جنرل نیب اور ڈپٹی چیرمین نیب کی خدمات کو سراہتے ہوئے انہیں خراج تحسین پیش کیا اس موقع پر ڈپٹی چیرمین نیب اور سابق پراسیکوٹر جنرل نیب نے ادارے کے چیرمین اوردیگر افسران کی جانب سے الواداعی تقریب کے انعقاد پر ان کا شکریہ ادا کیا۔
