کراچی(نمائندہ خصوصی) بلدیہ عظمیٰ کراچی کی سٹی کونسل کا عام اجلاس آج(پیر)17 جولائی کو تین بجے سہ پہر کونسل ہال کے ایم سی بلڈنگ ایم اے جناح روڈ میں میئر کراچی بیرسٹر مرتضیٰ وہاب کی صدارت میں منعقد ہوگا، ایجنڈے کے مطابق اجلاس میں بلدیہ عظمیٰ کراچی کے منتخب میئر، ڈپٹی میئر اور اراکین کونسل کا تعارف ہوگا جبکہ سٹی کونسل میں مختلف سیاسی جماعتوں کے پارلیمانی لیڈرز اپنی اپنی ترجیحات سے کونسل اراکین کو آگاہ کریں گے، بلدیہ عظمیٰ کراچی کے ترجمان علی حسن ساجد کے مطابق بلدیہ عظمیٰ کی نومنتخب کونسل کا یہ پہلا اجلاس ہے اور میئر کراچی کی باقاعدہ منظوری کے بعد طلب کیا گیا ہے جس کے لئے تمام انتظامات مکمل کرلئے گئے ہیں۔
