لاہور(نمائندہ خصوصی ) لاہور ہائیکورٹ میں سائفر تحقیقات روکنے کی چیئرمین تحریک انصاف کی درخواست پر وفاقی حکومت نے متفرق درخواست دائر کر دی۔وفاقی حکومت نے تحقیقات روکنے سے متعلق حکم امتناع خارج کرنے کی استدعاکردی ہے۔ لاہور ہائیکورٹ نے درخواست پر چیئرمین تحریک انصاف کو نوٹس جاری کرکے 17جولائی کو جواب طلب کرلیا۔درخواست وفاقی حکومت نے موقف اختیار کیا ہے کہ ایف آئی اے نے چیئرین تحریک انصاف کو 30نومبرکوطلبی کانوٹس دیاتھا۔ عدالت نے وفاقی حکومت کونوٹس دئیے اور سنے بغیر یکطرفہ عملدرآمد معطل کردیا۔ عدالت کے اس فیصلے سے ایف آئی اے تفتیش رک گئی ہے۔استدعا ہے کہ لاہورہائیکورٹ کے6 دسمبر2022 کو جاری حکم امتناع کو واپس لینے کا حکم دیا جائے۔
