اسلام آباد(نمائندہ خصوصی )ترجمان قومی اسمبلی نے کہا ہے کہ اجلاس میں تحریک انصاف کے مستعفی ارکان شریک نہیں ہوسکتے، پی ٹی آئی ارکان کے استعفوں سے متعلق سندھ ہائیکورٹ نے الیکشن کمیشن کا نوٹیفکیشن معطل کیا،۔کوئی اجنبی ایوان میں داخل نہیں ہو سکتا۔ترجمان قومی اسمبلی نے جاری بیان میں کہا کہ اجلاس میں تحریک انصاف کے مستعفی ارکان شریک نہیں ہوسکتے،،سپیکر قومی اسمبلی نے آئینی ماہرین کیساتھ مشاورت کے بعد فیصلہ کرلیا ۔ ترجمان کے مطابق پی ٹی آئی ارکان کے استعفوں سے متعلق سندھ ہائیکورٹ نے الیکشن کمیشن کا نوٹیفکیشن معطل کیا۔ ترجمان قومی اسمبلی کے مطابق سندھ ہائیکورٹ نے سپیکر قومی اسمبلی کے فیصلے سے متعلق کوئی فیصلہ نہیں دیا، مستعفی ہونے والے ارکان اب رکن قومی اسمبلی کے رکن نہیں رہے، کسی بھی مستعفی رکن کو ایوان میں آنے اجازت نہیں دی جاسکتی، ترجمان قومی اسمبلی کے مطابق قومی اسمبلی رولز کے مطابق کوئی اجنبی ایوان میں داخل نہیں ہوسکتا۔
