خانہ کعبہ کو زمزم سے غسل دیدیا گیا، بیت اللہ خوشبووں سے معطر

مکہ مکرمہ (نمائندہ خصوصی)اللہ کے گھر خانہ کعبہ کو زمزم سے غسل دیدیا گیا، بیت اللہ خوشبووں سے معطر ہو گیا ۔ مکہ مکرمہ میں غسل کعبہ کی سالانہ تقریب کے دوران خانہ کعبہ کا دروازہ کھول دیا گیا۔حرمین شریفین کے امور سے متعلق ویب سائٹ کے مطابق غسل کعبہ کی تقریب میں نائب گورنر مکہ مکرمہ شہزادہ بدر بن سلطان نے خادم الحرمین الشریفین شاہ سلمان بن عبدالعزیز کی نیابت کرتے ہوئے خانہ کعبہ کے اندرونی حصے کو غسل دیا۔بیت اللہ کی اندرونی دیواروں کو اور فرش کو غسل دینے کے لیے ا?ب زم زم اور عرق گلاب استعمال کیا گیا۔ غسل کعبہ کے بعد خانہ کعبہ کو عود، عرق گلاب اور بخوز کی خوشبووں سے معطر کیا گیا۔غسل کعبہ کی سالانہ تقریب کے آغاز میں خانہ کعبہ کے کلید بردار الشیخ ڈاکٹر صالح آل زین نے بیت اللہ کا دروازہ کھولا۔ خانہ کعبہ کی غسل کی تقریب میں آئمہ کرام اور حرمین شریفین کے انتظامی امور سے متعلق حکام بھی شریک ہوئے۔