سرینگر (نیٹ نیوز )
غیرقانونی طور پر بھارت کے زیرقبضہ جموں و کشمیر میں پیپلز ڈیموکریٹک پارٹی کی سربراہ محبوبہ مفتی نے کہاہے کہ مودی کی فسطائی بھارتی حکومت کشمیری عوام سے امتیازی سلوک روا رکھے ہوئے ہے اور مودی کے بھارت کا جمہوریت اور سیکولر ازم سے کوئی تعلق نہیں ہے۔
محبوبہ مفتی نے سرینگر میں صحافیوں سے گفتگو کرتے ہوئے کہاکہ بھارت بھر کیلئے بجلی جموں و کشمیر سے فراہم کی جاتی ہے اور یہی بجلی بھارتی حکومت دیگر ریاستوں میں مفت دینے کا منصوبہ بنا رہی ہے ۔ تاہم انہوں نے کہاکہ مقبوضہ علاقے سے حاصل ہونیوالی بجلی سے کشمیری عوام کو شدید سردی سے بچنے کیلئے ہیٹر نہ چلانے کے احکامات صادر کئے جارہے ہیں ۔ مقبوضہ کشمیر کی ریاستی شناخت اور دفعہ 370 کے تحت حاصل خصوصی حیثیت کی بحالی کے حوالے سے محبوبہ مفتی نے کہاکہ کشمیری عوام اتحاد و اتفاق کے ذریعے ہی اس سلسلے جدوجہد کر سکتے ہیں ۔ انہوںنے کہاکہ ہم متحد ہو کر ہی بھارت سے اپنی چھینی گئی خصوصی حیثیت اور اسے زیادہ حاصل کر سکتے ہیں۔ واضح رہے کہ مودی کی فسطائی بھارتی حکومت نے اگست 2005ء میں دفعہ 370 اور 35A کی منسوخی کے ذریعے جموں و کشمیر کی خصوصی حیثیت ختم کر دی تھی۔