برطانیہ میں امریکی کتوں پر پابندی

لندن (نمائندہ خصوصی) برطانیہ کے وزیر اعظم رشی سونیک نے کہا ہے کہ خطرناک حملوں کے بعد امریکی کتوں پر برطانیہ میں پابندی عائد کی جائے گی۔غیرملکی خبر رساں ادارے کے مطابق برطانوی وزیراعظم نے اس
امید کا اظہار کیا ہے کہ اس سال کے آخر تک خطرناک کتوں کی اس نسل پر پابندی عائد کر دی جائے گی۔سوشل میڈیا پر اس حوالے سے ویڈیو بیان میں برطانیہ کے وزیراعظم رشی سوناک نے کہا کہ یہ کتے 2021ءسے کم از کم 14 انسانی اموات کا باعث بنے اور یہ بچوں اور کمیونٹیز کے لیے خطرہ ہیں۔برطانوی وزیراعظم نے اس نسل کے کتوں کے انسانوں پر حملوں کی ویڈیوز اور لوگوں میں پائے جانے والے خوف و ہراس کا ذکر کرتے ہوئے کہا ہے کہ اس نسل کے کتوں پر پابندی کے لیے فوری کام کرنے کی ہدایت دے دی ہے تاکہ لوگوں کو محفوظ رکھا جا سکے۔