عالمی منڈی میں سونے کی قیمتوں میں کمی

نیویارک۔(انٹرنیشنل ڈیسک):عالمی منڈی میں پیر کو سونے کی قیمتوں میں کمی ریکارڈ کی گئی جہاں اسپاٹ گولڈ کی قیمت 1.5 فیصد کمی کے بعد 4793.97 امریکی ڈالر فی اونس پر آ گئی۔ اماراتی نیوز ایجنسی ’’وام‘‘ کے مطابق اعداد و شمار کے مطابق جمعرات کے روز سونے کی قیمت 5594.82 امریکی ڈالر فی اونس کی ریکارڈ بلند ترین سطح تک پہنچ گئی تھی تاہم پیر کو سونے کی قیمت کمی کے بعد 4793.97 امریکی ڈالر فی اونس پر آ گئی جبکہ فروری کی ترسیل کے لیے امریکی سونے کے فیوچرز 1.6 فیصد اضافے کے ساتھ 4818.10 امریکی ڈالر فی اونس پر پہنچ گئے۔دیگر قیمتی دھاتوں میں سپاٹ سلور کی قیمت 1.6 فیصد اضافے کے ساتھ 85.98 امریکی ڈالر فی اونس ہو گئی جبکہ جمعرات کے روز چاندی نے 121.64 امریکی ڈالر فی اونس کی ریکارڈ بلند ترین سطح کو چھوا تھا۔اس کے علاوہ سپاٹ پلاٹینم کی قیمت 2 فیصد کمی کے بعد 2120.05 امریکی ڈالر فی اونس اور پیلاڈیم کی قیمت 0.9 فیصد کمی سے 1682.59 امریکی ڈالر فی اونس ریکارڈ کی گئی۔