پہلگام فالس فلیگ آپریشن کے بعد مودی کی بھارتی مسلمانوں پر ظلم و بربریت کی انتہا

اسلام آباد۔( نمائندہ خصوصی)پہلگام فالس فلیگ آپریشن کے بعد مودی کی بھارتی مسلمانوں پر ظلم و بربریت کی انتہا ہوگئی ہے،مودی راج میں فرقہ وارانہ فسادات نے بھارت کو اقلیتوں خصوصاََ مسلمانوں کیلئے غیر محفوظ ملک ثابت کر دیا۔تفصیلات کے مطابق پہلگام فالس فلیگ کی آڑ میں بھارت میں مسلمانوں کے خلاف انسانی حقوق کی سنگین خلاف ورزیاں مسلسل جاری ہیں۔مودی کے زیر اثر گودی میڈیا مسلمانوں کو ملک دشمن قرار دے کر زہریلا پروپیگنڈا پھیلانے میں مصروف ہے ۔پہلگام فالس فلیگ کے بعد ہندوتوا مہم کے تحت اقلیتوں کی عبادت گاہوں بالخصوص مسلمانوں کی مساجد اور دکانوں کو بے دردی سے مسمار کیا گیا۔پہلگام کی آڑ میں مودی کے فاشسٹ نظریہ کے تحت پلوامہ اور کلگام جیسے مقبوضہ کشمیر کے بیشتر علاقوں میں نہتے مسلمانوں کے گھروں کو زمیں بوس کر دیا گیا۔بھارت میں مسلمانوں کے خلاف پرتشدد حملوں، جھوٹے مقدمات اور گرفتاریوں میں مسلسل اضافہ ہو رہا ہے۔عالمی ماہرین کے مطابق مذموم سیاسی عزائم کی تکمیل کیلئے پہلگام جیسے فالس فلیگ آپریشنز بی جے پی کا وطیرہ ہیں،بی جے پی کے اقتدار میں آنے کے بعد سے بھارت میں مسلم مخالف رجحان میں تشویشناک حد تک اضافہ ہوا، دہائیوں سے امتیازی سلوک کے شکار بھارتی مسلمانوں کی زندگی بی جے پی حکومت میں مزید بدتر ہو گئی ہے۔