چینی صدر ماسکو پہنچ گئے، ہوائی اڈے پر شاندار استقبالیہ تقریب

ما سکو(نمائندہ خصوصی):چین کے صدر شی جن پھنگ سرکاری دورے پر روس کے دارالحکومت ماسکو پہنچ گئے۔ اپنے دورے کے دوران، چینی صدر سوویت یونین کی فتح کی 80ویں سالگرہ کی تقریبات میں بھی شرکت کریں گے۔ شی جن پھنگ کا خصوصی طیارہ روسی فضائی حدود میں داخل ہونے کے بعد روسی فضائیہ کے لڑاکا طیاروں نے اس حفاظتی حصار میں لے لیا۔ہوائی اڈے پر چینی صدر کے لئے شاندار استقبالیہ تقریب کا انعقاد کیا گیا۔ شی جن پھنگ نے اپنے ابتدائی خطاب میں  چینی حکومت اور عوام کی جانب سے روسی حکومت اور عوام کے لئے مخلصانہ مبارکباد اور نیک خواہشات کا اظہار کیا۔ شی جن پھنگ نے اس بات کی نشاندہی کی کہ چین اور روس اچھے پڑوسی ہیں جنہیں الگ نہیں کیا جا سکتا، سچے دوست  ہیں جو خوشی اور غم میں شریک ہیں اور اچھے شراکت دار ہیں جو باہمی کامیابیاں حاصل کرتے ہیں۔ دونوں فریقوں نے بڑے ہمسایہ ممالک کے لئےایک دوسرے کے ساتھ رہنے کے لئے کامیابی کے ساتھ ایک صحیح راستہ تلاش کیا ہے اور نئے دور میں چین روس اسٹریٹجک تعاون کے جذبے کو جنم دیا ہے۔چین اور روس کے تعلقات نے نہ صرف دونوں ملکوں کے عوام کو زبردست فائدہ پہنچایا ہے بلکہ عالمی تزویراتی استحکام کو برقرار رکھنے اور ایک مساوی اور منظم کثیر القطبی دنیا کو فروغ دینے میں بھی اہم کردار ادا کیا ہے۔ چین اور روس دوسری عالمی جنگ کی فتح کے نتائج کے دفاع کےلئےمل کر کام کریں گے، تسلط اور طاقت کی سیاست کی  مخالفت کریں گے، حقیقی کثیرالجہتی پر عمل کریں گے اور ایک زیادہ منصفانہ اور معقول عالمی نظام حکومت کی تعمیر کو فروغ دیں گے۔انہوں نے کہا کہ  میں صدر ولادی میر پیوٹن کے ساتھ دو طرفہ تعلقات، عملی تعاون اور مشترکہ تشویش کے بین الاقوامی اور علاقائی مسائل پر گہرائی سے بات چیت کا منتظر ہوں، تاکہ نئے دور میں چین اور روس کے درمیان ہم آہنگی کی جامع اسٹریٹجک شراکت داری کی ترقی کو بھرپورتحریک دی جا سکے۔چینی صدر نے کہا کہ میں بہت سے ممالک کے رہنماؤں اور روسی عوام کے ساتھ مل کر ان شہد ا کی یاد منانے کے لئے پرامید ہوں جنہوں نے فسطائیت مخالف عالمی جنگ کی فتح کے لئے بہادری سے اپنی جانوں کا نذرانہ پیش کیا، اور بین الاقوامی  انصاف کے تحفظ کے لئے مشترکہ طور پر وقت کی مضبوط آواز بنے۔