اسلام آباد: رواں سال کی پہلی انسداد پولیو مہم میں 2 کروڑ سے زائد بچوں کو حفاظتی قطرے پلانے کا ہدف حاصل کرلیا گیا، سال 2021 میں پورے ملک سے صرف ایک پولیو کیس رپورٹ ہوا تھا۔
تفصیلات کے مطابق رواں سال کی پہلی انسداد پولیو مہم اختتام پذیر ہوگئی، کوآرڈینیٹر مہم ڈاکٹر شہزاد بیگ کا کہنا ہے کہ 2 کروڑ 24 لاکھ بچوں کو حفاظتی قطرے پلانے کا ہدف حاصل کیا گیا۔
ڈاکٹر شہزاد کا کہا تھا کہ مہم ملک کے 70 مخصوص اضلاع میں چلائی گئی، مہم میں ڈیڑھ لاکھ سے زائد تربیت یافتہ پولیو ورکرز نے حصہ لیا۔
ان کا مزید کہنا تھا کہ 28 فروری سے قومی سطح کی مہم شروع ہو رہی ہے۔
خیال رہے کہ گزشتہ برس انسداد پولیو کے لیے ہنگامی اور مؤثر اقدامات اٹھائے گئے جن کی بدولت سال 2021 میں پورے ملک سے صرف ایک پولیو کیس رپورٹ ہوا۔
اس سے قبل سنہ 2020 میں 84 پولیو کیسز رپورٹ کیے گئے تھے۔
