چوہدری پرویز الٰہی کی رہائی کیلئے سپریم کورٹ میں درخواست دائر

اسلام آباد(نمائندہ خصوصی)سابق وزیر اعلیٰ پنجاب چوہدری پرویز الٰہی کی اہلیہ نے سپریم کورٹ میں ہائیکورٹ فیصلے کے خلاف اپیل دائر کردی ان کی رہائی کی استدعا کی گئی ہے،درخواست میںپرویز االٰہی کو آئندہ بھی کسی مقدمے میں نہ گرفتاری سے روکنے کی بھی استدعا کی گئی ہے،درخواست میں مزید کہا گیا ہے کہ پرویز الٰہی کو کسی نامعلوم مقدمات میں بھی گرفتاری سے روکنے کے احکامات دئیے جائیں ،پرویز الہٰی کو عدالت کے سامنے پیش کرنے کے بھی احکامات جاری کئے جائیں،لاہور ہائیکورٹ نے پرویز الٰہی کی درخواست کو غیر موثر ہونے کی بنا ہر نمٹا دیا تھا، پرویز الہٰی کو رہائی کے احکامات کے باوجود دوبارہ گرفتاری کرلی گئی،ہائیکورٹ نے پرویز الہٰی کی گرفتاری سے متعلق حقائق کا جائزہ نہیں لیا ،درخواست میں نگراں پنجاب حکومت ،سیکریٹری داخلہ پنجاب ،ائی جی پنجاب کو فریق بنایا گیا ہے۔