راولپنڈی(نمائندہ خصوصی) آرمی چیف جنرل قمر جاوید باجوہ کا کہنا ہے کہ پاک فوج کے جوان جوش و جذبے کے ساتھ قوم کی خدمت کرتے رہیں۔فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے بہاولپور اور اوکاڑہ کا الوداعی دورہ کیا جہاں انہوں نے یادگار شہدا پر حاضری دی اور پھول چڑھائے۔.آرمی چیف نے بہاولپور اور اوکاڑہ میں افسروں اور جوانوں سے خطاب کیا۔ انہوں نے خیرپور ٹامیوالی میں انٹیگریٹڈفائر پاور کا مشاہدہ کیا۔اس موقع پر جے ایف 17 تھنڈر طیاروں اور کوبرہ گن شپ ہیلی کاپٹروں نے مشقوں کا مظاہرہ کیا۔ جنگی ماحول میں بہاولپور کور کے میکنائزڈ دستوں نے بھرپور حصہ لیا۔آرمی چیف جنرل قمر جاوید باجوہ نے افسروں اور جوانوں کی پیشہ ورانہ مہارتوں اور عزم و حوصلے کو سراہا۔قبل ازیں آرمی چیف کی بہاولپور کور میں یادگار شہداء پر حاضری پھول چڑھائے اور فاتحہ خوانی کی گئی آرمی چیف نے بہاولپور اور اوکاڑہ میں فارمیشنز کے افسران اور جوانوں سے بات چیت کی۔آرمی چیف نے خیرپور ٹامیوالی (KPT) میں انٹیگریٹڈ فائر پا مینیوور ایکسرسائز کا بھی مشاہدہ کیا جہاں بہاولپور کور کے دستوں نے PAF JF-17 تھنڈر طیاروں، کوبرا گن شپ ہیلی کاپٹروں میں میدان جنگ کے حالات میں مربوط فائر پاور کا مظاہرہ کیا۔ آرمی چیف نے تربیتی معیار، آپریشنل تیاریوں اور افسران اور دستوں کے بلند حوصلے کو سراہا۔انہوں نے فوجیوں کو ہدایت کی کہ وہ ہر حال میں روایتی جوش اور جذبے کے ساتھ قوم کی خدمت کرتے رہیں۔
