کراچی(اسٹاف رپورٹر) 30 اکتوبر 2022 ملی یکجہتی کونسل سندھ کے صدر وسابق ایم این اے اسداللہ بھٹو نے کہاہے کہ سیاسی کشیدگی وٹکراءکی سیاست ملک وقوم کے مفاد میں نہیں ،عوام کا ترجیح اول مسئلہ مہنگائی کاخاتمہ قیام امن اورانصاف کی فراہمی ہے۔پرامن احتجاج ہرجماعت وشہری کا حق ہے مگر ملک میں انتشارکی کیفیت پیداکرنے کی بجائے جمہوریت کی حکمرانی اورقانون کی بالادستی کے لیے ضروری ہے کہ بات چیت کے ذریعے ہی تمام مسائل کا حل تلاش کیاجائے۔انہوں نے آج ایک بیان میں کہاکہ پی ڈی ایم اور پی ٹی آئی غیروں کی غلامی،سودی نظام،اسلامی اقدارکومسخ کرنے اور ٹرانس جینڈربل سے لیکرنیب قانون کاخاتمہ اورٹیکسوں کی بھرمارکے ذریعے عوام کا خون نچوڑنے پرمتفق ہیں۔مغرب پاکستان سمیت مسلم ممالک میں اسلامی نظام ودینی جماعتوں کا راستہ روکنے کے لیے حکومت اوراپوزیشن اپنی مرضی کی بناتا ہے تاکہ ان کے مفادات کی تکمیل آسانی کے ساتھ ہوسکے۔
سیاسی کشیدگی وٹکراءکی سیاست ملک وقوم کے مفاد میں نہیں ،عوام کا ترجیح اول مسئلہ مہنگائی کاخاتمہ قیام امن اورانصاف کی فراہمی ہےمغرب دینی جماعتوں کا راستہ روکنے کے لیے حکومت اوراپوزیشن اپنی مرضی کی بناتا ہے،اسداللہ بھٹو
