چوہدری مظہر اقبال کی گورنر سندھ کامران ٹیسوری سے ملاقات

کراچی ( اسٹاف رپورٹر) پاکستان مسلم لیگ قائداعظم کراچی کے جنرل سیکریٹری چوہدری مظہر اقبال نے گورنر ہاﺅس میں نومنتخب گورنر سندھ کامران ٹیسوری سے ملاقات کی اور ان کو سندھ ثقافت کی پہچان” اجرک “اورپھولوں کا تحفہ پیش کرتے ہوئے مبارکباد دی۔ اس موقع پر گورنر سندھ سے تفصیلی گفتگو میں چوہدری مظہر اقبال نے امید ظاہر کی کہ کامران ٹیسوری صوبہ سندھ جو کہ حالیہ بین القوامی موسمی تبدیلی کا سخت شکار ہوا اور اس کے نتیجے میں اندرون سندھ میں جانی، مالی بہت بڑی تباہی ہوئی ہے اور اسی تباہی کا شکار کراچی شہر بھی ہوا ہے ،اس وقت شہر کا انفرااسٹکچر مکمل تباہ حالی کا شکار ہے اور اس کے ساتھ ہی چوری اور ڈکیتی کی وارداتوں نے پہلے ہی مسائل میں گھرے ہوئے عوام کو مزید پریشان کر رکھا ہے، اس وقت ضرورت اس بات کی ہے کہ کوئی ایسی قیادت ہو جو کہ سندھ اور کراچی کی تمام سیاسی، سماجی اور کاروباری اکائیوں کو ایک ساتھ لے کر چلے تاکہ اندرون سندھ کے سیلاب متاثرین کی کچھ داد رسی ہو سکے اور پاکستان کے معاشی حب کراچی کے عوام کی عزت، جان و مال کی حفاظت ہو سکے اور اس شہر کی روشنیوں اور رونقوں کو بحال کیا جاسکے۔آخر میں انہوں نے گورنر سندھ کو اپنی پارٹی کی جانب سے مکمل تعاون کی یقین دہانی کروائی۔بعد ازاںمسلم لیگ (ق) کراچی کے جنرل سیکریٹری چوہدری مظہر اقبال نے گورنر ہاو ¿س میں نو منتخب گورنر سندھ کامران ٹیسوری کو مبارکباد دیتے ہوئے سندھ کی روایاتی اجرک اور پھول پیش کیے۔