کوئٹہ ( نمائندہ خصوصی)ایمان پاکستان حق میلہ زور و شور سے جاری ہے اور یہ ایک رنگا رنگ میوزیکل ٹیلنٹ شو کی صورت میں اپنے پانچویںب روز میں داخل ہو چکا ہے۔اس موقع پر مختلف معزز اراکینِ اسمبلی نے میلے کا دورہ کیا اور 
شرکاء کے ساتھ بھرپور دلچسپی کا اظہار کیا۔ اس دوران وزیرِ تعلیم راحیلہ درانی، ایم پی اے شہناز گل، ایم پی اے سلمہ کاکڑ، ایم پی اے شاہدہ رؤف، ایم پی اے کلثوم نیاز بلوچ اور ایم پی اے میر لیاقت لِیڑی نے شرکت کی۔دور دراز 
علاقوں سے آنے والی پوزیشن ہولڈر طالبات کو اس موقع پر خصوصی طور پر سراہا گیا۔ ایمان پاکستان کی جانب سے نمایاں کارکردگی دکھانے والی طالبات کو لیپ ٹاپ دیے گئے، جنہیں معزز اراکینِ اسمبلی نے اپنے ہاتھوں سے تقسیم کیا۔
میلے میں نوجوانوں کی بڑی تعداد شریک ہے جو مختلف ٹیلنٹ مقابلوں، میوزیکل پرفارمنسز اور سرگرمیوں سے بھرپور انداز میں لطف اندوز ہو رہے ہیں۔
