نگران وزیراعلیٰ گلگت بلتستان جسٹس(ر) یار محمد کی معرکہ حق میں شہید لانس نائیک وجاہت علی کے گھر آمد

اسلام آباد(نمائندہ خصوصی):نگران وزیراعلیٰ گلگت بلتستان جسٹس(ر) یار محمد نے معرکہ حق میں شہید لانس نائیک وجاہت علی کے گھر کا دورہ کیا۔ نگران وزیراعلیٰ نے بگروٹ میں شہید لانس نائیک وجاہت علی کے گھرجاکرانکے اہلخانہ سے ملاقات اورشہید کے درجات کی بلندی کیلئے دعا کی۔انہوں نے معرکہ حق میں جان قربان کرنے پرلانس نائیک شہید وجاہت علی کو خراج عقیدت پیش کیا۔اس موقع پر نگران وزیراعلیٰ گلگت بلتستان جسٹس(ر)یارمحمد نے کہا کہ شہادت کا رتبہ انسان کوہمیشہ زندہ رکھتا ہے۔انہوں نے مزید کہا کہ دشمن ہمارا کچھ بھی نہیں بگاڑ سکتا کیونکہ ہر گھر میں شہید وجاہت علی جیسے جوان موجود ہیں۔ نگران وزیراعلیٰ نے کہا کہ پاکستان ہمیشہ قائم و دائم رہے گا۔شہیدلانس نائیک وجاہت علی کے بھائی نے اپنے تاثرات میں کہا کہ میں بھی کارگل کی جنگ لڑچکا ہوں۔ انہوں نے کہا کہ ہمیں اپنے بھائی کی شہادت پر فخر ہے،ہمارے بچے بھی پاک فوج میں جائیں گے اور شہادت کے رتبے پرفائز ہونگے۔ وجاہت علی کی شہادت اس بات کا ثبوت ہے کہ پاک فوج کا ہرافسر اور جوان ملک کیلئے مرمٹنے کو تیارہے۔