صدرِ مملکت آصف علی زرداری سے بلوچستان سے تعلق رکھنے والے اراکینِ پارلیمنٹ نے ملاقات

اسلام آباد( نمائندہ خصوصی):صدرِ مملکت آصف علی زرداری سے بلوچستان سے تعلق رکھنے والے اراکینِ پارلیمنٹ نے ملاقات کی ملک بھر بالخصوص بلوچستان کی مجموعی سیاسی صورتحال اور جاری ترقیاتی منصوبوں پر تبادلۂ خیال کیا ۔جمعہ کو ایوان صدر کے پریس ونگ سے جاری بیان کے مطابق صدر مملکت نے اس موقع پر ملک بھر سے غیر ملکی پشت پناہی میں سرگرم دہشت گرد عناصر کے مذموم عزائم کو ناکام بنانے کے عزم کا اعادہ کرتے ہوئے کہا کہ بلوچستان میں امن و ترقی کے لیے ریاستی کوششیں پوری قوت سے جاری ہیںملاقات میں اراکین پارلیمنٹ سردار محمد عمر گورگیج، میر عبدالقدوس بزنجو، بلال مندوخیل، حسنیٰ بانو، نوابزادہ جمال رئیسانی اور ملک شاہ گورگیج ،ظہور بلیدی ،فیصل جمالی، بخت کاکڑ، علی مدد جتک، نواب ثناءاللّہ زہری، علی حسن زہری اور لیاقت لہڑی سمیت صادق عُمرانی، اسفندیار کاکڑ، سماد گورگیج، عبید گورگیج، غزالہ گولا اور سنجے کمار میر اصغر رند، مینا مجید، نعمت زہری، شہناز عُمرانی، صاحبزادہ حمزہ زہری، بابا غلام رسول عُمرانی اور ربانی کاکڑ شامل تھے۔