عوام 13 اپریل سے شروع ہونے والی ملک گیر پولیو ویکسی نیشن مہم میں بھرپور تعاون کریں، آصفہ بھٹو زرداری

اسلام آباد( نمائندہ خصوصی):خاتون اول بی بی آصفہ بھٹو زرداری نے کہا ہے عوام 13 اپریل سے شروع ہونے والی ملک گیر پولیو ویکسی نیشن مہم میں بھرپور تعاون کریں۔پیر کے روز سماجی رابطے کی ویب سائٹ ’ایکس‘ پر اپنے ایک پیغام میں خاتون اول بی بی آصفہ بھٹو زرداری نے پاکستان بھر کے خاندانوں اور کمیونٹیز سے اپیل کی کہ وہ 13 اپریل سے شروع ہونے والی ملک گیر پولیو ویکسینیشن مہم میں بھرپور تعاون کریں اور اس بات کویقینی بنائیں کہ ہر بچہ اس بیماری سے محفوظ رہے۔