اسلام آباد۔( نمائندہ خصوصی):قطر نے کشیدگی میں کمی اور امن و استحکام کے فروغ کے لیے پاکستان کی مکالمے اور سفارتکاری کی جاری کوششوں کو سراہا ہے ۔ ہفتہ کو وزارت خارجہ کی طرف سے جاری بیان کے مطابق نائب وزیرِ اعظم و وزیرِ 
خارجہ سینیٹر محمد اسحاق ڈار نے قطر کے وزیرِ اعظم و وزیرِ خارجہ شیخ محمد بن عبدالرحمن بن جاسم آل ثانی سے ٹیلیفون پر بات چیت کی۔ دونوں رہنماؤں نے موجودہ علاقائی اور عالمی صورتحال پر تبادلۂ خیال کیا اور کشیدگی میں فوری کمی کی اہمیت پر زور دیا۔قطری قیادت نے امن اور استحکام کے فروغ کے لیے پاکستان کی جانب سے مکالمے اور سفارتکاری کے ذریعے جاری کوششوں کو سراہا۔ انہوں نے پاکستان اور قطر کے درمیان گہرے برادرانہ تعلقات کی توثیق کی اور بدلتی ہوئی صورتحال پر قریبی رابطے میں رہنے پر اتفاق کیا۔
قطر نے کشیدگی میں کمی اور امن و استحکام کے فروغ کے لیے پاکستان کی مکالمے اور سفارتکاری کی جاری کوششوں کو سراہا
