صدر مملکت آصف علی زرداری نے نوڈیرو ہاؤس لاڑکانہ میں ایک سادہ مگر پروقار تقریب میں پرچم کشائی کی

لاڑکانہ ( نمائندہ خصوصی):صدر مملکت آصف علی زرداری نے نوڈیرو ہاؤس لاڑکانہ میں ایک سادہ مگر پروقار تقریب میں پرچم کشائی کی۔ یوم پاکستان کے سلسلے میں پیر کو یہاں منعقدہ تقریب میں صدر مملکت نے قومی پرچم کو سر بلند کیا۔ اس موقع پر قومی ترانہ بجایا گیا جبکہ سندھ پولیس کے چاق و چوبند دستے نے اس موقع پر قومی پرچم کو سلامی دی۔ چیئرمین پاکستان پیپلز پارٹی بلاول بھٹو زرداری، ممبر قومی اسمبلی اور پی پی پی کی مرکزی صدر شعبہ خواتین فریال تالپور، صوبائی اسمبلی کے رکن سہیل انور سیال اور دوسرے اعلیٰ عہدے دار بھی تقریب میں موجود تھے ۔