پاک فوج کی پاک -افغان سرحد پر شمالی وزیرستان میں بروقت کارروائی ،متعدد افغان طالبان جہنم واصل

راولپنڈی۔( نمائندہ خصوصی):پاک -افغان سرحد پر شمالی وزیرستان میں پاک فوج نے بروقت کارروائی کرتے ہوئے دراندازی کی بڑی کوشش ناکام بنا دی،متعدد افغان طالبان جہنم واصل جبکہ دیگر پوسٹیں چھوڑ کرفرار ہو گئے، جنوبی وزیرستان سیکٹر میں شوال سے زرملان تک افغان طالبان کی تمام پوسٹوں کو موثر طریقے سے تباہ کیا گیا۔سکیورٹی ذرائع کے مطابق افغان طالبان اور فتنہ الخوارج کے خلاف پاک فوج کی منہ توڑ اور مؤثر کارروائیاں جاری ہیں۔پاک -افغان سرحد پر شمالی وزیرستان میں پاک فوج نے بروقت کارروائی کرتے ہوئے دراندازی کی بڑی کوشش ناکام بنا دی ۔شمالی وزیرستان میں موازکلے کے سرحدی علاقے میں افغان طالبان دراندازی کی منصوبہ بندی کر رہے تھے۔پاک فوج کی مؤثر کارروائی کے دوران متعدد افغان طالبان جہنم واصل جبکہ دیگر پوسٹیں چھوڑ کرفرار ہو گئے۔ پاک فوج نے افغان طالبان اور فتنہ الخوارج کے کمپاؤنڈ اور ٹھکانوں کو نشانہ بنا کر مکمل تباہ کر دیا۔پاک فوج نے پاک -افغان سرحد پر جنوبی وزیرستان سیکٹر میں افغان طالبان کی پوسٹوں کو نشانہ بنایا۔سکیورٹی ذرائع کے مطابق جنوبی وزیرستان سیکٹر میں شوال سے زرملان تک افغان طالبان کی تمام پوسٹوں کو موثر طریقے سے تباہ کیا گیا۔پاک فوج کی بھرپور کارروائیوں سے افغان طالبان پسپائی کا شکار ہو کر فرار ہونے پر مجبور ہیں۔سکیورٹی ذرائع نے کہا ہے کہ آپریشن غضب للحق اپنے اہداف کے مکمل حصول تک جاری رہے گا۔