بلوچستان میں دو الگ الگ کارروائیوں میں بھارتی پراکسی، فتنہ الخوارج اور فتنہ الہندوستان سے تعلق رکھنے والے 15 دہشت گرد جہنم واصل کئے گئے،آئی ایس پی آر

راولپنڈی( نمائندہ خصوصی):بلوچستان میں دو الگ الگ کارروائیوں میں بھارتی پراکسی، فتنہ الخوارج اور فتنہ الہندوستان سے تعلق رکھنے والے 15 دہشت گرد جہنم واصل کئے گئے۔آئی ایس پی آر کی جانب سے جاری پریس ریلیز کے مطابق ہرنائی ضلع میں فتنہ الخوارج کے سابق ارکان کی موجودگی کی اطلاع ملی،ان کی موجودگی پر ایک انٹیلی جنس بیسڈ آپریشن (آئی بی او) کیا گیا۔ کارروائی کے دوران افواج نے دہشت گردوں کے ٹھکانے کو مؤثر طریقے سے نشانہ بنایا اور شدید مقابلے کے بعد، بھارت کی سرپرستی میں موجود 12 خوارج کو جہنم واصل کر دیا گیا۔اسی طرح بسیمہ ضلع میں ایک اور انٹیلی جنس بیسڈ آپریشن (آئی بی او) کیا گیا۔ کارروائی کے دوران افواج نے فتنہ الہندوستان کے دہشت گردوں کی موجودگی کا سراغ لگایا اور کارروائی کرتے ہوئے انہیں مؤثر طریقے سے نشانہ بنایا۔ شدید فائرنگ کے تبادلے کے بعد، بھارت کی سرپرستی میں تین دہشت گردوں کو جہنم واصل کر دیا گیا۔ہلاک ہونے والے خوارج اور دہشت گردوں سے اسلحہ، گولہ بارود اور دھماکہ خیز مواد بھی برآمد کیا گیا، جو متعدد دہشت گردانہ سرگرمیوں میں سرگرم تھے۔علاقے میں موجود کسی بھی دیگر بھارتی سرپرست دہشت گرد کو ختم کرنے کے لیے کلئیرنس آپریشن جاری ہے۔آئی ایس پی آر کے مطابق سکیورٹی فورسز اور پاکستان کی قانون نافذ کرنے والے اداروں کی جانب سے قومی ایکشن پلان پر وفاقی ایپکس کمیٹی سے منظور شدہ وژن "عزمِ استحکام” کے تحت بے لگام انسداد دہشت گردی مہم مکمل رفتار سے جاری رہے گی تاکہ ملک سے غیر ملکی سرپرستی اور حمایت یافتہ دہشت گردی کے ناسور کو مکمل طور پر ختم کیا جا سکے۔