زکوٰۃ کٹوتی، بینک دولتِ پاکستان یکم رمضان المبارک کو ‘بینک تعطیل’ کے باعث عوام سے لین دین کیلئے بند رہے گا

اسلام آباد۔( نمائندہ خصوصی)زکوٰۃ کٹوتی کیلئے بینک دولتِ پاکستان یکم رمضان المبارک بمطابق 1447 ہجری کو ‘بینک تعطیل’ کے باعث عوام سے لین دین کے لیے بند رہے گا۔سٹیٹ بینک کی جانب سے جاری بیان کے مطابق تمام بینک / ترقیاتی مالی ادارے / مائیکروفنانس بینک بھی مذکورہ تاریخ کو عوام سے لین دین کے لیے بند رہیں گے تاہم بینکوں / ترقیاتی مالی اداروں / مائیکروفنانس بینکوں کے تمام ملازمین بینک تعطیل کے موقع پر حسبِ معمول (ماسوائے عوام سے لین دین) دفاتر میں حاضر ہوں گے۔