آئی ٹیل نے بنگلہ دیش میں سلم ڈیزائن اور اسمارٹ اے آئی فیچرز کے ساتھ نیاماڈل ’’سٹی 200‘‘متعارف کرا دیا

ڈھاکا( نمائندہ خصوصی)چین کی سمارٹ فون ساز کمپنی آئی ٹیل نے بنگلہ دیش میں اپنا نیا اسمارٹ فون CITY 200 متعارف کرا دیا ہے جو جدید ڈیزائن اسمارٹ فیچرز اور بجٹ کے اندر قابل اعتماد کارکردگی کے خواہشمند نوجوان صارفین کو مدنظر رکھتے ہوئے پیش کیا گیا ہے جبکہ اس کی خاص بات صارفین کو وائس کمانڈز کے ذریعے روزمرہ کے کام انجام دینے میں مدد اور سیلولر نیٹ ورک کے بغیر ایک کلومیٹر کے دائرے میں مفت کالز کی سہولت فراہم کرنا ہے۔سمارٹ فون کی سب سے اہم خصوصیت ’’سولا‘‘کے نام سے آئی ٹیل کا نیا اے آئی وائس اسسٹنٹ ہے جو ڈیپ سیک ماڈل پر مبنی ہے اور صارفین کو وائس کمانڈز کے ذریعے روزمرہ کے کام انجام دینے میں مدد دیتا ہے۔ ڈھاکا ٹربیون کے مطابق CITY 200 میں 7.45 ملی میٹر سلم یونی باڈی ڈیزائن دیا گیا ہے جس پر میٹالک فنش موجود ہے جو فون کو ہلکا اور پکڑنے میں آرام دہ بناتا ہے۔اس اسمارٹ فون میں 6.78 انچ پنچ ہول ڈسپلے دیا گیا ہے جس میں 120 ہرٹز ریفریش ریٹ موجود ہے جو گیمنگ، سوشل میڈیا اور وڈیو اسٹریمنگ کے دوران سکرولنگ کو ہموار اور ریسپانس کو بہتر بناتا ہے۔ڈسپلے 700 نِٹس تک برائٹنس کو سپورٹ کرتا ہے، جس سے دھوپ میں بھی اسکرین واضح نظر آتی ہے۔پائیداری کے لحاظ سے فون میں IP65 اسپلش پروٹیکشن اور ملٹری گریڈ باڈی دی گئی ہے جو اسے دھول، پانی کے چھینٹوں اور روزمرہ گرنے جیسے حادثات سے محفوظ رکھتی ہے۔آےی ٹیل کی جانب سے 4 سالہ فلونسی گارنٹی بھی فراہم کی گئی ہے، جو طویل مدت تک مستحکم کارکردگی کی یقین دہانی کراتی ہے۔ ڈیوائس میں 128 جی بی اسٹوریج اور 12 جی بی ریم (6 جی بی + 6 جی بی ورچوئل ریم) موجود ہے۔ سٹی 200 کو 5200 ایم اے ایچ بیٹری سے لیس کیا گیا ہے جبکہ یہ 18 واٹ فاسٹ چارجنگ کو بھی سپورٹ کرتا ہے۔ایک اور نمایاں فیچر Free UltraLink Call 2.0 ہے جو سیلولر نیٹ ورک کے بغیر ایک کلومیٹر کے دائرے میں مفت کالز کی سہولت فراہم کرتا ہے۔CITY 200 کے اجرا کے ساتھ آئی ٹیل نے بنگلہ دیش بھر میں صارفین کے لیے جدید اسمارٹ فون ٹیکنالوجی کو قابلِ رسائی بنانے کے عزم کا اعادہ کیا ہے۔