لاہور (کورٹ رپورٹر)جوئے کی ایپ کو پروموٹ کرنے کے معاملے پر عدالت نے یوٹیوبر ڈکی بھائی کا مزید 5 روزہ جسمانی ریمانڈ منظور کر لیا۔ یوٹیوبر کو 4 روزہ جسمانی ریمانڈ پورا ہونے پرعدالت میں پیش کیا گیا۔ جوڈیشل مجسٹریٹ نعیم وٹو نے کیس کی 
سماعت کی۔ نیشنل سائبر کرائم انوسٹی گیشن ایجنسی کی جانب سے مزید جسمانی ریمانڈ کی استدعا کی گئی جس کو عدالت نے منظور کرتے ہوئے مزید 5 روز جسمانی ریمانڈ کی اجازت دے دی۔ خیال رہے کہ ڈکی بھائی پر این سی سی آئی اے میں سائبر کرائم ایکٹ کے تحت ایف آر آر درج ہے۔ اس سے قبل یوٹیوبر ڈکی بھائی کی اہلیہ عروب جتوئی نے عدالت سےعبوری ضمانت حاصل کی تھی جس کے بعد وہ نیشنل سائبر کرائم کے سامنے پیش ہو گئیں ہیں۔ عروب جتوئی وکلاء کے ہمراہ تفتیشی کے سامنے پیش ہوئیں۔ عروب جتوئی نے موقف اختیار کیا کہ وہ وکلاء کے ہمراہ کچھ دن میں اپنا بیان ریکارڈ کروائیں گی۔ نیشنل کرائم ایجنسی نے عروب جتوئی کا موبائل قبضہ میں لیکر فرانزک کےلیے بجھوا دیا
لاہور:یوٹیوبر ڈکی بھائی کا مزید 5 روزہ جسمانی ریمانڈ منظور
