اسلام آباد۔(نمائندہ خصوصی):نائب وزیراعظم و وزیر خارجہ سینیٹر محمد اسحاق ڈار (آج )بدھ کو پاکستان، چین اور افغانستان کے وزرائے خارجہ کے چھٹے سہ فریقی اجلاس میں شرکت کے لیے کابل کا دورہ کریں گے۔ترجمان دفترخارجہ کی طرف سے جاری بیان کے مطابق نائب وزیراعظم و وزیر خارجہ کے ہمراہ خصوصی نمائندہ برائے افغانستان سفیر محمد صادق اور وزارت خارجہ کے
سینئر افسران بھی ہوں گے۔اس اجلاس کے دوران تینوں ممالک کے درمیان تعاون کو بڑھانے خاص طور پر تجارت، علاقائی روابط اور دہشت گردی کے خلاف جنگ کے شعبوں میں تعاون پر تبادلہ خیال کیا جائے گا ۔نائب وزیر اعظم و وزیر خارجہ دونوں ممالک کے مابین امور پر تبادلہ خیال کے لئے افغانستان کے قائم مقام وزیر خارجہ کے ساتھ دو طرفہ ملاقات بھی کریں گے۔
پاکستان، چین اور افغانستان کے وزرائے خارجہ کا چھٹا سہ فریقی اجلاس ، نائب وزیراعظم و وزیر خارجہ شرکت کریں گے
