امریکا کے ہر دلعزیز جج فرینک کیپریو انتقال کرگئے۔

 واشنگٹن(انٹرنیشنل ڈیسک)عالمی شہرت کے حامل اور امریکا کے ہر دلعزیز جج فرینک کیپریو انتقال کرگئے۔روڈ آئی لینڈ جج کو کینسر کا عارضہ لاحق تھا، انتقال سے پہلے انہوں نے اسپتال میں بستر مرگ سے اپنے چاہنے والوں سے اپیل کی تھی کہ وہ انکے لیے دعا کریں۔فرینک کیپریو کے سوشل میڈیا میڈیا اکاؤنٹ سے جاری پیغام میں ان کے انتقال کی خبر دی گئی اور بتایا گیا کہ فرینک کیپریو88برس کی عمر میں لبلبے کے کینسر سے ایک طویل جنگ لڑنے کے بعد اس دنیا سے رخصت ہوگئے۔واضح رہے کہ فرینک کیپریو جن مقدمات کی سماعت کرتے تھے وہ سوشل میڈیا پر دکھائی جاتی تھیں اور انکے فیصلوں کا انداز انتہائی متاثر کن ہوتا تھا۔