کوئٹہ۔ :(نمائندہ خصوصی )وزیراعلیٰ بلوچستان میر سرفراز بگٹی نے اسلام آباد میں متعین اسلامی جمہوریہ ایران کے سفیر رضا امیری المقدم سے ٹیلیفونک رابطہ کرکے ایرانی سفیر سے ایران کے صدر ابراہیم رئیسی کے ہیلی کاپٹر کے کریش لینڈنگ پر تشویش کا اظہار کیا۔اتوار کو ترجمان وزیراعلی سیکرٹریٹ کے جاری بیان کے مطابق وزیراعلیٰ بلوچستان میر سرفراز بگٹی نے کہا کہ اللہ تعالی ایران کے صدر ابراہیم رئیسی کو اپنے حفظ و امان میں رکھے ۔وزیراعلیٰ بلوچستان نے ایران کے صدر ابراہیم رئیسی اور وزیر خارجہ کی بخیر و عافیت آمد کے لئے نیک تمناؤں کا اظہار کیا۔
