کراچی، فائرنگ کے 5واقعات میں 2افراد جاں بحق‘ تین زخمی

کراچی ( نمائندہ خصوصی) کراچی میں رات گئے فائرنگ کے 5مختلف واقعات میں 2افراد جاں بحق اور تین افراد زخمی ہوگئے، بفرزون میں ڈکیتی کے دوران مزدور جان سے گیا جبکہ نارتھ کراچی اور کورنگی میں ڈکیتی مزاحمت پر دو شہری زخمی ہوئے،فائرنگ کا پہلا واقعہ بفرزون سیکٹر 15میں پیش آیا۔پولیس کے مطابق دوران ڈکیتی مزاحمت پر ارشد نامی شخص جاں بحق ہوا، مقتول کے بی آر کا رہائشی اور مزدور تھا۔ منگھوپیر غازی گوٹھ میں نامعلوم مسلح ملزمان کی فائرنگ سے فاروق نامی شخص جاں بحق ہوا، مقتول کی لاش کو عباسی شہید اسپتال منتقل کیا گیا۔لواحقین کے مطابق مقتول چائے کا ہوٹل چلاتا تھا، ملزمان سے پہلے جھگڑا ہوا جو فائرنگ کرکے فرار ہوئے، پولیس نے واقعہ پر ذاتی دشمنی کا شبہ ظاہر کیا ہے۔ادھر ایک اور واقعے میں کراچی کے علاقے بفرزون سیکٹر 15 میں ڈکیتی مزاحمت پر فائرنگ سے ایک شخص جاں بحق ہو گیا، جس کی شناخت ارشاد کے نام سے ہوئی ہے، پولیس حکام کے مطابق مقتول گلی میں کھڑا تھا، 4 نامعلوم لٹیروں نے لوٹنے کی کوشش کی، لیکن ارشاد نے لٹیرے کی پستول پکڑ لی تو دوسرے نے فائر کر دیا، مقتول کے بی آر کا رہائشی تھا اور مزدوری کرتا تھا۔دوسری جانب کورنگی 5 نمبر میں دوران ڈکیتی مزاحمت پر فاروق نامی شہری زخمی ہوا جسے جناح اسپتال منتقل کیا گیا۔ نارتھ کراچی یوپی موڑ اور لانڈھی میں بھی فائرنگ سے دو افراد زخمی ہوئے۔ پولیس کے مطابق یوپی موڑ پر فائرنگ کا واقعہ ڈکیتی مزاحمت کے دوران پیش آیا، زخمی عبداللہ کو عباسی شہید اسپتال منتقل کیا گیا۔