لاہور : پنجاب پولیس کا پب جی گیم پر پابندی لگانے کیلئے صوبائی و وفاقی حکومت سے سفارش کا فیصلہ کرلیا۔
تفصیلات کے مطابق پب جی گیم سے ہونے والے پرتشدد واقعات کے بعد پنجاب پولیس نے وفاقی اور پنجاب حکومت سے اس گیم پر پابندی لگانے کی سفارش کا فیصلہ کر لیا۔
ایس ایس پی انوسٹی گیشن عمران کشور کا کہنا ہے کہ پب جی گیم کے استعمال سے پرتشدد کاروائیوں کی روک تھام کیلئے اس پر پابندی ضروری ہے، جس کے لیے خط لکھ دیا ہے۔
یاد رہے کاہنہ گجومتہ میں انیس جنوری کو خاتون اور تین بچوں کو فائرنگ کرکے قتل کیا گیا تھا، پولیس نے مختلف پہلووں پر تفتیش کرنے کے بعد زندہ بچ جانے والے لڑکے علی زین سے تفتیش کی تو زین نے واردات کا اعتراف کرلیا تھا۔
ملزم نے بتایا تھا کہ وہ پب جی گیم کا سوقین تھا، گیم ہارنے پرافسردہ ہوا اور ملزم نے گھر میں موجود والدہ کے پسٹل سے ماں، بہنوں اور بھائی کو قتل کر دیا۔
ملزم قتل کرنے کے بعد نشہ میں گھر کے نچلے حصہ میں آکر سوگیا تھا، علی زین فیصل آبادکے قریب گاؤں میں چھپا ہوا تھا۔
ابتدائی تفتیش میں علی زین نے بتایا کہ یہ سوچ کر گولیاں چلائیں کہ گیم کی طرح سب دوبارہ زندہ ہوجائیں گے۔
