گرتے بالوں کو روکنا ایک دشوار کن مرحلہ ہوسکتا ہے جس کے لیے مختلف ٹوٹکے اور علاج آزمائے جاتے ہیں، انہی میں سے ایک علاج پی آر پی بھی ہے۔
تفصیلات کے مطابق معروف ٹی وی اینکر اور بیوٹی ایکسپرٹ رابعہ انعم اے آر وائی ڈیجیٹل کے مارننگ شو گڈ مارننگ پاکستان میں شریک ہوئیں اور گرتے بال روکنے کا علاج بتایا۔
رابعہ نے بتایا کہ ان کے شوہر دبئی میں تھے جہاں ان کے بال گرنا شروع ہوگئے، کراچی آنے پر انہوں نے پی آر پی ٹریٹمنٹ کروائی۔
پی آر پی یا پلیٹ لیٹ رچ پلازما انجیکشن ایسا ٹریٹ منٹ ہے جس میں کسی شخص کے جسم کا صحت مند خون لے کر اسے براہ راست بالوں کی جڑوں میں انجیکٹ کیا جاتا ہے۔
اس سے بالوں کی نشونما میں مدد ملتی ہے اور انہیں درکار غذا براہ راست ان تک پہنچتی ہے۔
رابعہ کا کہنا تھا کہ شروع میں کوئی خاص فرق محسوس نہیں ہوا لیکن صرف ایک ماہ کے اندر ان کے شوہر کے بال گرنا رک گئے۔
انہوں نے کہا کہ کراچی میں مختلف کلینکس پر یہ ٹریٹ منٹ دستیاب ہے تاہم اسے کسی معتبر اور تجربہ کار ایکسپرٹ کی زیر نگرانی کروایا جائے۔
