سوشل میڈیا پر آئے روز نت نئی ویڈیوز وائرل ہوتی رہتی ہیں جسے دیکھ کر صارفین حیران رہ جاتے ہیں۔
ایسی ہی ایک ویڈیو سوشل میڈیا پر وائرل ہورہی ہے جسے فیس بک پر وائرل ہوگ چینل کی جانب سے شیئر کیا گیا جس میں موٹر سائیکل سوار حادثے سے بال بال بچ گیا۔
ویڈیو میں دیکھا جاسکتا ہے کہ بارش کے باعث موٹر سائیکل سلپ ہوئی تو نوجوان پہلے کار کی زد میں آنے بچا اور جیسے ہی وہ اٹھنے لگا تو ٹرک سامنے سے آگیا۔
نوجوان نے ٹرک کے آگے سے فوری بھاگتے ہوئے اپنی جان بچائی، چند سیکنڈز کی بھی دیر ہوتی تو نوجوان کی جان بھی جاسکتی تھی۔
حادثے کی ویڈیو سوشل میڈیا پر اب تک لاکھوں صارفین دیکھ چکے ہیں اور اس پر اپنی رائے کا اظہار بھی کررہے ہیں۔
ایک صارف نے لکھا کہ شکر ہے وہ ٹھیک ہے، ایک اور صارف نے لکھا کہ چند سیکنڈ دیر ہوتی تو نوجوان کی جان بھی جاسکتی تھی۔
ایک تیسرے صارف نے نوجوان کی خطرے سے بچنے کے لیے بروقت اقدام کی تعریف کی۔
