آئی سی سی ویمنز ٹی 20 ورلڈ کپ ، سکاٹ لینڈ نے پاکستان کو وارم اپ میچ میں 8 وکٹوں سے ہرا دیا

دبئی۔(اسپورٹس ڈیسک ):آئی سی سی ویمنز ٹی 20 ورلڈ کپ کے وارم اپ میچ میں سکاٹ لینڈ نے پاکستان کو 8 وکٹوں سے ہرا دیا۔ہفتہ کو سیونز گراؤنڈ پر کھیلے گئے میچ میں پاکستان ویمن نے پہلے بیٹنگ کرتے ہوئے مقررہ 20 اوورز میں 9 وکٹوں پر 132 رنز بنائے، اومیمہ سہیل 30، منیبہ علی 27 اور کپتان فاطمہ ثناء 20 رنز بنا کر نمایاں رہیں ، سکاٹ لینڈ کی کیتھرین برائس نے تین کھلاڑیوں کو آؤٹ کیا، جواب میں سکاٹ لینڈ ویمن نے مطلوبہ ہدف 18 اوورز میں 2 وکٹوں کے نقصان پر حاصل کر لیا، سیرا برائس نے شاندار بیٹنگ کا مظاہرہ کرتے ہوئے ناقابل شکست 60 رنز بنائے ، سیکیا ہوارلی 48 رنز کے ساتھ دوسری نمایاں بیٹر رہیں۔