پارلیمنٹ میں تحریک انصاف میں پھوٹ پڑ گئی

اسلام آباد(نمائندہ خصوصی)پارلیمنٹ میں پاکستان تحریک انصاف میں پھوٹ پڑ گئی ،این اے 193 سے تحریک انصاف کے ایم این اے محسن لغاری نے احتجاج کا حصہ بنے سے انکار کردیا ۔ذرائع کے مطابق پی ٹی آئی کے دیگر اراکین سینیٹ نے احتجاج کیا جبکہ محسن لغاری پارلیمنٹ کے مشترکہ اجلاس کی کاروائی میں شریک ہوگئے ۔سینٹ میں اپوزیشن لیڈر شہزاد وسیم نے سینیٹرعون عباس کو محسن لغاری کے پاس بھیجا ۔محسن لغاری نے احتجاج کا حصہ بنے سے انکار کر دیا۔ ذرائع کے مطابق عون عباس نے محسن لغاری سے کہا کہ آپ احتجاج میں شریک نہ ہوئے تو عمران خان سے شکایت لگاوں گا۔محسن لغاری کا جواب میں کہناتھا میری سیاسی تربیت آپ سے مختلف ہے احتجاج کے بجائے ایوان کی کاروائی کا حصہ بنوں گا۔