لاہور (نمائندہ خصوصی ) لاہور ہائیکورٹ نے وفاقی وزیر داخلہ رانا ثنا اللہ کے خلاف توہین عدالت کی درخواست ناقابل سماعت قرار دے کر مسترد کر دی۔جسٹس عابد عزیز شیخ نے شہری شاہد رانا کی درخواست کا تحریری فیصلہ جاری کر دیا۔تحریری فیصلے کے مطابق درخواست گزار نے آڈیو لیکس کے معاملے پر ثبوت نہیں لگائے اور آڈیو لیکس کا ٹرانسکرپٹ بھی ساتھ نہیں لگایا جبکہ درخواست گزار متاثرہ فریق نہیں ہے۔درخواست گزار کا موقف تھا کہ آڈیو لیک پر رانا ثنااللہ نے عدلیہ کے خلاف پریس کانفرنس میں توہین آمیز الفاظ کا استعمال کیا۔ استدعا کی گئی کہ عدالت رانا ثنا اللہ کے خلاف توہین عدالت کی کارروائی کرے۔
