رحیم یار خان:تخریب کاری کا منصوبہ ناکام، مسافر ٹرین حادثے سے بال بال بچ گئی ریلوے ملازم جاں بحق

رحیم یار خان ( نمائندہ خصوصی) تخریب کاری کا منصوبہ ناکام، مسافر ٹرین حادثے سے بال بال بچ گئی
ملزمان کے حملے میں ایک ریلوے ملازم شدید زخمی ہوگیا، زخمی ملازم کو اسپتال منتقل کیا گیا جہاں وہ دوران علاج دم توڑ گیا
ریلوے ملازمین نے رحیم یار خان میں ریلوے اسٹیشن کےقریب تخریب کاری کی کوشش ناکام بنا دی ۔ریلوے حکام کے مطابق ولہار ریلوے اسٹیشن کےقریب تخریب کار ریلوے ٹریک کو کھول رہے تھے، ریلوےملازمین کے پہنچنے پر ملزمان نے حملہ کردیا۔حکام کے مطابق سلاخیں اور پتھر لگنے سے ایک ریلوے ملازم شدید زخمی ہوگیا، زخمی ملازم کو اسپتال منتقل کیا گیا جہاں وہ دوران علاج دم توڑ گیا۔ریلوے حکام کا کہنا ہےکہ علامہ اقبال ایکسپریس حادثےسے بال بال بچ گئی۔پولیس نے واقعےکا مقدمہ تھانہ کوٹ سبزل میں درج کرکے تحقیقات شروع کردی ہیں۔