لاڑکانہ(نمائندہ خصوصی) انڈس ہائی وے پر دھند ایک ہی خاندان کے 5 افراد کی موت کا سبب بن گئی۔پولیس کے مطابق خیرپور جوسو گوٹھ کے قریب انڈس ہائی وے پر دھند کے باعث حادثہ پیش آیا۔پولیس کی جانب سے بتایا گیا کہ انڈس ہائی وے پردھند کی وجہ سے حدنگاہ متاثر تھی جس کے باعث کار اور ٹریکٹر میں ٹکر ہوگئی اور حادثے کے نتیجے میں ایک ہی خاندان کے 5 افراد جاں بحق ہوگئے۔پولیس نے لاشوں کو اسپتال منتقل کردیا ،حادثے کی تحقیقات کا آغاز بھی کردیا گیا ہے۔
