ٹنڈومحمدخان( بیورو رپورٹ ) ٹنڈومحمدخان کی ملاکاتیار دریائے سندھ میں کوٹری بیراج سے 6 لاکھ 40 ہزار کیوسک پانی گزر رہا ہے ایرگیشن سب انجینئر ٹنڈومحمدخان احسان خاصخیلی نے بتایا کہ آئندہ 24 گھنٹے کے دوران 8 لاکھ کیوسک سے زائد پانی دریائے سندھ سے گزرے گا
دریائے سندھ کے حاجی پوربند پر 15 روز سے ایریگیشن عملہ ڈیوٹی سرانجام دے رہا ہے اور انہیں سخت مشکلات کا سامنا بھی کرنا پڑھ رہا ہے جبکہ دوسری جانب ڈیلی ویجز پر کام کرنے والے ملازمین نے بتایا کہ ڈیلی ویجز پر کام کرنے والے 1500 سے زائد ملازمین کو 12گھنٹے کے 400 روپے دیہاڑی دی جارہی ہے اور اس میں بھی کٹوتی کرکے ایرگیشن کا عملہ کرپشن کر رہا ہے جبکہ آواز اٹھانے پر ڈیلی ویجز ملازمین کو فارغ کر دیا جارہا ہے
انہوں نے مطالبہ کیا کہ معاملے کا نوٹس لے کر ڈیلی ویجز پر کام کرنے والے ملازمین کے ساتھ انصاف کیا جائے ۔
