کراچی (کامرس رپورٹر)شہر قائد میں درجہ حرارت میں اضافے کے بعد کے الیکٹرک نے بھی لوڈ شیڈنگ کا دورانیہ بڑھا دیا ہے۔تفصیلات کے مطابق شدید گرمی میں بجلی کی طویل لوڈشیڈنگ پر شہریوں کی جانب سے احتجاج کیا گیا ہے۔
نارتھ ناظم آباد بلاک ڈبلیو، کورنگی، لیاقت آباد، گلبہار، ابوالصفہانی روڈ ، پاک کالونی، پی ای سی ایچ ایس، کلفٹن ڈی ایچ اے، قیوم آباد اور بھٹائی کالونی میں لوڈ شیڈنگ کا سلسلہ جاری ہے۔نارتھ کراچی سمیت لوڈ شیڈنگ سے مستثنیٰ دیگر علاقوں میں 5 سے 7 گھنٹے لوڈ شیڈنگ کی جارہی ہے۔
لوڈ شیڈنگ والے علاقوں میں دورانیہ 12 سے 15گھنٹے تک پہنچ گیا ہے جبکہ رات کے اوقات میں 3 دفعہ ایک سے ڈیڑھ گھنٹے کی لوڈ شیڈنگ کی جارہی ہے۔
