ملازمائیں نشہ آور چائے پلا کر گھر کا صفایا کرگئیں

کراچی : گلشن اقبال 13ڈی ایک بنگلے میں دو گھریلو ملازماؤں نے اہل خانہ کو نشہ آور چائے پلادی اور نقدی، زیورات اور قیمتی اشیاء چوری کرکے فرارہوگئیں۔

’’تصدیق‘‘ ایپ استعمال نہ کرنے والا ایک اور گھر لٹ گیا، تفصیلات کے مطابق گلشن اقبال 13ڈی میں دو گھریلو ملازمائیں بنگلے کا صفایا کر گئیں۔
واردات کی اطلاع ملنے پر پولیس موقع پر پہنچی اور جائے واردات سے ملزمان کے فنگر پرنٹس اور دیگر شواہد اکٹھا کرکے تفتیش شروع کردی ہے۔

اس حوالے سے پولیس نے میڈیا کو بتایا کہ معمر میاں بیوی کو نشہ آور چائے پلا کر 45 لاکھ کا سونا لوٹ لیا گیا، واردات کا مقدمہ گلشن اقبال تھانے میں درج کرلیا گیا۔

ڈکیت ماسیوں کی دیگر تفصیلات اے آر وائی نیوز پر نشر کی گئی ، تاجر نے 5 ماہ قبل ماں بیٹی شمیم اور حمیرا کو کام پر رکھا تھا۔

واردات سے متعلق متاثرہ تاجر نے بتایا کہ گھر کے گراؤنڈ فلور پر میرے والدین رہتے ہیں، جن کی دیکھ بھال کیلئے انہیں ملازمت پر رکھا گیا تھا۔

تاجر کے مطابق ماسیوں نے میرے والدین کو چائے میں نشہ آور چیز دے کر بےہوش کیا اور 45لاکھ روپے مالیت کے سونے کے زیورات اور نقدی کلے کر فرار ہوگئیں۔

متاثرہ تاجر نے بتایا کہ والدین کو نجی اسپتال لے گئے جہاں انہیں کافی دیر بعد بمشکل ہوش آیا، جرائم پیشہ ملازماؤں کی تصاویر پولیس کو فراہم کر دی ہیں۔

بعد ازاں پولیس نے رپورٹ درج کرکے کارروائی کا آغاز کیا اور ملزمان کی گرفتاری کیلئے شانتی نگر کے علاقے کے ایک گھر میں چھاپہ مارا تاہم مگر خالی گھر میں کوئی نہ ملا، دیگر مقامات پر بھی کارروائی کی جارہی ہے۔

پولیس کے مطابق تاجر نے5ماہ قبل ہی اسے ملازمت پر رکھا تھا لیکن نہ تو اس کی پولیس سے تصدیق اور نہ ہی رجسٹریشن کرائی۔