کراچی( نمائندہ خصوصی) صوبائی وزیر اطلاعات ، ٹرانسپورٹ و ماس ٹرانزٹ شرجیل انعام میمن نے کہا ہے کہ عمران خان نے اپنا اقتدار بچانے کے لیے ہر سیاسی جماعت کی منتیں کی ۔ اپنے جاری ایک بیان میں انہوں نے کہا کہ عمران خان نے پی ٹی آئی کی عمارت جھوٹ ، غلط بیانی اور آسروں پر کھڑی کی۔ پی ٹی آئی کی حکومت کے زوال کی وجہ عمران خان کی نااہلی اور غرور تھا ۔ بہت جلد عمران نیازی کا سیاسی زوال شروع ہو جائے گا۔ صوبائی وزیر اطلاعات سندھ
نے کہا کہ جھوٹ کے پیر نہیں ہوتے ۔ غلط بیانی ، منافقت ، اور عوام سے کئے گئے جھوٹے واعدے عمران خان کو ایکسپوز کر رہے ہیں ۔ صوبائی وزیر نے کہا کہ عمران خان ماضی کی غلطیوں سے سیکھیں ،اپنا سیاسی قبلہ درست کریں ۔ انہوں نے سیاسی مخالفت کو دشمنیوں میں تبدیل کرنے کی کوشش کی ۔ شرجیل انعام میمن نے کہا کہ سیاست میں گالی گلوچ اور بدتمیزی کی جو بنیاد عمران خان نے ڈالی ، اس کو روکنا ہوگا ، کیونکہ اقتدار کی لالچ نے عمران خان کو ذہنی مریض کردیا ۔
