اسلام آباد ( نمائندہ خصوصی )وزیرِ اعظم شہباز شریف نے ملک میں ہنگامی بنیادوں پر زرعی اصلاحات کے نفاذ کا فیصلہ کرلیا اس ضمن میں زرعی اصلاحات کیلئے مختلف شعبوں کی آٹھ سب کمیٹیوں کی وزیرِ اعظم کو سفارشات پیش کر دی گئیں ،سفارشات میں قلیل، وسط اور طویل مدتی جامع منصوبہ بندی شامل ہے جبکہ وزیراعظم شہباز شریف نے کہا ہے کہ حکومت ترجیحی بنیادوں پر کسانوں کو ضروری سہولیات فراہم کرے گی،حکومت کسانوں کو کم لاگت پر بروقت معیاری بیج، کھاد کی فراہمی یقینی بنائے گی،کسانوں کو غیر معیاری بیج اور پیسٹی سائیڈ بیچنے والی کمپنیوں کا سد باب کیا جائے گا،مقامی سطح پر معیاری بیج کی پیداوار کیلئے زرعی تحقیقی اداروں کو سہولیات فراہم کی جائیں گی۔ جمعرات کو وزیراعظم شہباز شریف کی زیرِ صدارت ملک میں زرعی شعبے کی اصلاحات پر اعلی سطح کا اجلاس ہوا جس میں وفاقی وزراءطارق بشیر چیمہ، احسن اقبال، مریم اورنگزیب، مفتاح اسماعیل، معاونینِ خصوصی احد چیمہ، محمد جہانزیب خان متعلقہ اعلی حکام کی شرکت. تمام صوبوں کے سیکرٹری زراعت نے وڈیو لنک کے ذریعے اجلاس میں شرکت کی۔اجلاس میں وزیرِ اعظم کو گندم، کپاس، خوردنی تیل، کھاد، زرعی تحقیق، زراعت میں پانی کے استعمال، موسمیاتی تبدیلی اور زرعی مشینری کے حوالے سے قائم سب کمیٹیوں نے تفصیلی بریفنگ دی اور اپنی سفارشات پیش کیں۔اجلاس میں آئندہ گندم، کپاس اور خودنی تیل کی پیداوار کیلئے اقدامات، کسانوں کو کم لاگت پر جدید مشینری، یوریا اور ڈی اے پی پر سبسڈی، متوقع پیداوار اور در آمد، معیاری بیج، پانی کے بہتر استعمال اور کسانوں کو بروقت قرضوں کی فراہمی کے حوالے سے سفارشات پیش کی گئیں۔وزیرِ اعظم نے تمام متعلقہ وزارتوں کو ان سفارشات میں سے آئندہ فصل کیلئے ہنگامی بنیادوں پر زرعی اصلاحاتی پلان مرتب کرنے کی ہدایت کی وزیرِ اعظم نے دو دن کے اندر اس پلان کو پیش کرنے کی ہدایات جاری کردیں۔وزیرِ اعظم بہت جلد ملک میں زرعی اصلاحات کیلئے جامع منصوبے کا اعلان کریں گے جس سے نہ صرف کسانوں خوشحال، ملکی زرعی پیداوار میں اضافہ اور زرعی اجناس کی درآمد میں خاطر خواہ کمی واقع ہوگی۔ وزیر اعظم نے کہاکہ حکومت کسانون کو جدید مشینری اور قرضوں میں سہولت کی فراہمی یقینی بنائے گی۔ وزیر اعظم نے کہاکہ حکومت گندم و زرعی اجناس کو ذخیرہ کرنے کیلئے سائیلوز (silos) کی تعمیر پر کام کرے گی۔ وزیر اعظم نے کہاکہ گندم کی فصل کی بوائی سے پہلے پیداوار میں فی ایکڑ یقینی اضافے کے اقدامات اٹھائے جائیں۔ وزیر اعظم نے کہاکہ یقینی بنایا جائے کہ زرعی اِن پ±ٹس پر حکومت کی طرف سے سبسڈی کسانوں تک پہنچے،زرعی منصوبہ بندی کے دوران موسمیاتی تبدیلی کے اثرات کو بھی ملحوظِ خاطر رکھا جائے۔ شہباز شریف نے کہاکہ کسانوں کو زراعت کے بین الاقوامی سطح پر رائج جدید طریقہ کار سے روشناس کروانے کیلئے جامع آگاہی مہم چلائی جائے۔
وزیرِ اعظم کا ملک میں ہنگامی بنیادوں پر زرعی اصلاحات کے نفاذ کا فیصلہ ،حکومت کسانوں کو کم لاگت پر بروقت معیاری بیج، کھاد کی فراہمی یقینی بنائے گی، شہباز شریف
Previous Post
کراچی سمیت سندھ بھرمیں شدید بارشیں ، کاروبار زندگی مفلوج بارشوں سے حیدرآباد کی صورتحال بھی تیزی سے بگڑرہی ہے، متعدد علاقے ڈوب گئے، سڑکیں اور گلیاں ندی نالوں کا منظر پیش کرلنے لگیں شدید بارشوں کے باعث سندھ کے اضلاع میں متاثرہ خاندان شاپنگ پلازوں میں پناہ لینے پر مجبور، متعدد حکومتی امداد کے منتظر،تھر سبزے سے نکھر گیا
Next Postچیئرمین تحریک انصاف عمران خان دورہ کراچی ملتوی کردیا گیا بارش کے باعث جلسہ کے لیے انتظامات میں پریشانی کا سامنا ہے،ترجمان
