لاہور( شوبز رپورٹر)اداکار معمر رانا نے کہا ہے کہ زیادہ اردو فلمیں کراچی میں بن رہی ہیں لیکن یہ فلمیں کم اور ڈرامہ زیادہ لگ رہی ہیں ، نئے ہدایتکار فلم کی تکنیک کو سمجھیں کر فلم بنائیں ۔ایک انٹر ویو میں انہوں نے کہا کہ فلم او رڈرامے کی تکنیک میں فرق ہوتا ہے اور اس فرق کو واضح کرنا ہی کسی ہدایتکار کی قابلیت کا امتحان ہوتا ہے ۔
انہوں نے کہا کہ میں کسی پر تنقید نہیں کر رہا بلکہ اسے مثبت انداز میں لینا چاہیے اور میرے نقطے کو سمجھنا چاہیے ۔جو لوگ فلم اور ڈرامے میں فرق سمجھتے ہیں و ہ میری طرح ہی سوچ رہے ہوں گے ۔ انہوں نے کہا کہ یہ اچھا رجحان ہے کہ فلمیں بنناشروع ہو گئی ہیں اور یقینی طور پر اس سے ہماری انڈسٹری کو فائدہ حاصل ہوگا ۔
