جشن آزادی مبارک: پاکستان کی تعمیر و ترقی ہر شہری کا قومی فریضہ ہے، چوہدری فہد یوسف

کراچی( نمائندہ خصوصی )پاکستان کے 79 ویں یومِ آزادی کے موقع پر پوری قوم، بالخصوص کراچی کے شہریوں کو دلی مبارکباد پیش کرتے ہوئے معروف سماجی وسیاسی شخصیت چوہدری فہد یوسف کہا ہے کہ آزادی ایک عظیم نعمت اور لاکھوں قربانیوں کا ثمر ہے، جس کی حفاظت، استحکام اور ترقی ہم سب کی مشترکہ قومی ذمہ داری ہے۔جشن آزادی کے موقع پر خصوصی پیغام میں چوہدری فہد یوسف نےکہا کہ پاکستان کا قیام برصغیر کے مسلمانوں کی تاریخی جدوجہد، قائداعظم محمد علی جناحؒ کی بے مثال قیادت اور ہمارے بزرگوں کی لازوال قربانیوں کا نتیجہ ہے۔ 14 اگست ہمیں اس عہد کی تجدید کا موقع فراہم کرتا ہے کہ ہم اپنے پیارے وطن کی سلامتی، خودمختاری، جمہوری اقدار، آئین کی بالادستی اور معاشی و سماجی ترقی کے لیے اپنا بھرپور کردار ادا کریں گے۔چوہدری فہد یوسف نے کہا کہ پاکستان پیپلزپارٹی نے قیامِ پاکستان کے بعد ملک کے جمہوری، آئینی، معاشی اور سماجی استحکام کے لیے ہمیشہ جدوجہد کی ہے۔ شہید ذوالفقار علی بھٹو نے پاکستان کو متفقہ آئین دیا، ملک کے عوام کو سیاسی شعور اور جمہوری حقوق کے لیے آواز دی، جبکہ شہید محترمہ بے نظیر بھٹو نے جمہوریت کی بحالی اور عوامی حقوق کے لیے تاریخی جدوجہد کی۔ چوہدری فہد یوسف کہا کہ پاکستان کی تعمیر و ترقی محض حکومتوں کی ذمہ داری نہیں بلکہ ہر شہری کا قومی فریضہ ہے۔ ہمیں سیاسی وابستگیوں، لسانی اور علاقائی تفریق سے بالاتر ہوکر پاکستان کی ترقی، خوشحالی اور استحکام کے لیے متحد ہونا ہوگا۔ ملک کی ترقی کا راستہ تعلیم، صحت، روزگار، جدید انفراسٹرکچر، مضبوط بلدیاتی نظام، قانون کی حکمرانی اور عوام کو بنیادی سہولیات کی فراہمی سے ہوکر گزرتا ہے۔ چوہدری فہد یوسف نے دعا کی کہ اللہ تعالیٰ پاکستان کو ہمیشہ قائم و دائم رکھے، ملک کو امن، ترقی، خوشحالی اور استحکام عطا فرمائے، وطنِ عزیز کو درپیش تمام چیلنجز پر قابو پانے کی توفیق دے اور پاکستان کو دنیا کی ترقی یافتہ، مضبوط اور باوقار اقوام میں نمایاں مقام عطا فرمائے۔