بلوچستان کا مالی سال 27-2026 کے لیے صوبائی بجٹ کثرت رائے سے منظور

کوئٹہ (نمائندہ خصوصی) بلوچستان اسمبلی نے آئندہ مالی سال 27-2026 کے لیے صوبائی بجٹ کی کثرت رائے سے منظوری دے دی ہے۔بلوچستان اسمبلی کے اجلاس میں آئندہ مالی سال 27-2026 کے بجٹ کی کثرت رائے سے منظوری دے دی گئی۔ بجٹ کی منظوری کیلیے مجموعی طور پر 1 ہزار 89 ارب روپے کے 98 مطالبات زر پیش کیے گئے۔اراکین اسمبلی نے غیر ترقیاتی اخراجات کیلیے 797 ارب 80 کروڑ 88 لاکھ روپے مالیت کے 53 مطالبات زر کی منظوری دی جب کہ ترقیاتی اخراجات کی مد میں 291 ارب روپے مالیت کے 45 مطالبات زر منظور کیے گئے۔صوبائی وزیر خزانہ میر شعیب نوشیروانی نے ایوان میں مطالبات زر پیش کیے۔ بجٹ منظوری کے دوران اپوزیشن کی جانب سے کٹوتی کی کوئی تحریک پیش نہیں کی گئی۔