میرا نشاہ ( نمائندہ خصوصی)شمالی وزیرستان کے علاقے میرانشاہ میں پاک فوج کے زیر انتظام ملک مشران اور قبائلی عمائدین کا اہم جرگہ منعقد ہواجرگے میں جی او سی شمالی وزیرستان ، ڈپٹی کمشنر اور ڈی پی او شمالی وزیرستان 
سمیت قبائلی ملک و مشران نے بڑی تعداد میں شرکت کی ۔جرگے کے دوران امن و امان کی صورتحال، دہشت گردی کے خلاف جاری اقدامات، سیکیورٹی فورسز اور مقامی قبائل کے مابین تعاون اور عوامی مسائل پر تفصیلی تبادلۂ خیال کیا 
گیا ۔بطور مہمان خصوصی جی او سی شمالی وزیرستان نے قبائلی مشران اور عمائدین کا خیرمقدم کیا اور خطے میں امن و استحکام کے قیام کے لیے باہمی تعاون کی اہمیت پر زور دیا ۔قبائلی مشران نے دہشت گردی کے خاتمے، عوامی تحفظ 
اور دیرپا امن کے لیے سیکیورٹی فورسز کے ساتھ مکمل تعاون کی یقین دہانی کرائی ۔متعلقہ حکام نے مسائل کے قانونی اور پُرامن حل کے لیے شرکاء کو ہر ممکن تعاون کی یقین دہانی کرائی ۔
شمالی وزیرستان کے علاقے میرانشاہ میں پاک فوج کے زیر انتظام ملک مشران اور قبائلی عمائدین کا اہم جرگہ
