سید یوسف رضا گیلانی کی کوئٹہ میں خودکش دھماکے کی مذمت،قیمتی انسانی جانوں کے ضیاع پر اظہارافسوس

اسلام آباد(نمائندہ خصوصی)چیئرمین سینیٹ سید یوسف رضا گیلانی نے کوئٹہ میں چمن پھاٹک کے قریب ہونے والےدھماکے کی شدید الفاظ میں مذمت کرتے ہوئے قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔اتوار کوسینیٹ سیکرٹریٹ سے جاری بیان میں چیئرمین سینیٹ نےشہداء کے اہل خانہ سے دلی تعزیت اور ہمدردی کا اظہار کرتے ہوئے کہا کہ دہشت گردی کی بزدلانہ کارروائیاں قوم کے حوصلے پست نہیں کر سکتیں۔ انہوں نے کہا کہ دہشت گرد عناصر ملک کے امن و استحکام کو نقصان پہنچانے کی مذموم کوشش کر رہے ہیں، تاہم پوری قوم دہشت گردی کے خلاف متحد ہے۔سید یوسف رضا گیلانی نے متعلقہ حکام کو ہدایت کی کہ زخمیوں کو بہترین ہ طبی سہولیات فراہم کی جائیں اور ان کی جلد صحت یابی کے لیے ہر ممکن اقدامات کیے جائیں۔چیئرمین سینیٹ نے کہا کہ امن دشمن عناصر کو اپنے مذموم عزائم میں کامیاب نہیں ہونے دیا جائے گا۔ انہوں نے دہشت گردی کے خلاف جنگ میں قانون نافذ کرنے والے اداروں کی قربانیوں کو خراج عقیدت پیش ہوئے دہشت گردی کے مکمل خاتمے کے قومی عزم کا اعادہ کیا۔انہوں نے دھماکے میں جاں بحق افراد کے درجات کی بلندی، لواحقین کے لیے صبر جمیل اور زخمیوں کی جلد و مکمل صحت یابی کے لیے دعا بھی کی۔