اقوام متحدہ(انٹرنیشنل ڈیسک):کورین جزیرہ نما میں بڑھتی ہوئی کشیدگی اور شمالی کو ریا کے جوہری اور بیلسٹک میزائل پروگرام پر تشویش کے پیش نظر پاکستان نے تنازعات کے حل کے لیے سفارتی مذاکرات اور مکالمے پر زور دیا ہے۔ اقوام متحدہ میں پاکستان کے نائب مستقل مندوب عثمان جدون نے سلامتی کونسل کے اجلاس سے خطاب کرتے ہوئے کہا کہ متعلقہ فریقین کے درمیان مذاکرات کی بحالی وقت کی اہم ضرورت ہے اور اشتعال انگیز بیانات و اقدامات سے گریز
کیا جانا چاہیے۔انہوں نے کہا کہ پاکستان کورین جزیرہ نما کو جوہری ہتھیاروں سے پاک بنانےاقوام متحدہ کی سلامتی کونسل کی قراردادوں پر عملدرآمد اور عالمی عدم پھیلاؤ کے اہداف کی حمایت کرتا ہے۔ ان کا کہنا تھا کہ حالیہ سفارتی پیش رفت کو آگے بڑھاتے ہوئے بنیادی تنازعات کے حل کے لیے بات چیت کا سلسلہ دوبارہ شروع کیا جانا چاہیے اور سلامتی کونسل کو خطے میں استحکام کے لیے مؤثر سیاسی عمل کی حمایت کرنی چاہیے۔
کورین کشیدگی پر پاکستان کا اظہار تشویش، مذاکرات پر زور
